बीजिंग/तिबेट: चीनने यारलुंग त्सांगपो नदीवर (भारतामध्ये ब्रह्मपुत्रा म्हणून ओळखली जाणारी) एक महाकाय जलविद्युत प्रकल्प उभारण्यास सुरुवात केली आहे. हा प्रकल्प तिबेटमधील यारलुंग झांगबो नदीच्या खालच्या प्रवाहात बांधला जात असून शनिवारी याचे औपचारिक उद्घाटन करण्यात आले. या प्रकल्पामुळे विशेषतः भारत आणि बांगलादेश यांसारख्या डाउनस्ट्रीम (खालील प्रवाहात असलेल्या) देशांमध्ये गंभीर चिंता निर्माण झाली आहे.
चीनच्या सरकारी ‘शिन्हुआ’ वृत्तसंस्थेच्या माहितीनुसार, उद्घाटन समारंभाला चीनचे पंतप्रधान ली क्यांग, केंद्रीय यंत्रणांचे अधिकारी, राज्य मालकीच्या कंपन्यांचे प्रतिनिधी, अभियंते आणि स्थानिक प्रतिनिधी उपस्थित होते.
