भंडारा पत्रिका / वृत्तसंस्था हैदराबाद : तेलंगणामधून मोठी बातमी येत आहे. सदतीस माओवाद्यांनी डीजीपी बी. शिवधर रेड्डी यांना आत्मसमर्पण केले आहे. त्यांनी मोठ्या प्रमाणात शस्त्रे देखील सुपूर्द केली आहेत. तेलंगणाच्या डीजीपींनी स्वत: आत्मसमर्पण केल्याची माहिती दिली.
यातील तीन माओवादी उच्चस्तरीय माओवादी होते. डीजीपी बी. शिवधर रेड्डी यांनी पत्रकारांना सांगितले की आत्मसमर्पण केलेल्या माओवाद्यांमध्ये तीन राज्य समिती सदस्य, तीन विभागीय समिती सदस्य, नऊ क्षेत्र समिती सदस्य आणि इतर २२ कम्युनिस्ट पक्ष आॅफ इंडिया (माओवादी) सदस्य आहेत.
तेलंगणाचे डीजीपी बी. शिवधर रेड्डी यांनी सांगितले की तीन राज्य समिती सदस्यांमध्ये कोयदा संबैया (४९) उर्फ आझाद, अप्पासी नारायण उर्फ रमेश (७०) आणि मुचाकी सोमदा आहेत. संबैया आणि नारायण हे तेलंगणा समितीचे आहेत, तर सोमदा माओवाद्यांच्या दंडकारण्यविशेष प्रादेशिक समितीचा भाग होते. डीजीपींना आत्मसमर्पण करणाºया माओवाद्यांनी एक एके४७ रायफल, दोन एसएलआर रायफल, चार ३०३ रायफल, एक जी ३ रायफल आणि ३४६ राउंड दारूगोळाही दिला. डीजीपी शिवधर रेड्डी यांनी सांगितले की, मुख्यमंत्री ए. रेवंत रेड्डी यांच्या मुख्य प्रवाहात सामील होण्याच्या आवाहनाला माओवाद्यांनी प्रतिसाद दिला. त्यांनी सांगितले की, चालू माओवादविरोधी मोहीम, वैचारिक मतभेद आणि संघटनेतील अंतर्गत कलह यामुळे त्यांच्या आत्मसमर्पणाच्या निर्णयावर परिणाम झाला व त्यांनी हा मार्ग निवडला.
